Para fillimit të parasezonit, boshnjaku Miralem Pjanic ishte një nga lojtarët, e ardhmja e të cilit te Barça dukej më e ndërlikuar.
Mesfushori ishte i huazuar vitin e kaluar te Besiktas dhe gjithçka tregonte se ai do të largohej nga klubi këtë verë, por trajneri Xavi Hernandez donte ta kishte në turne në Shtetet e Bashkuara dhe mund ta bindte që të vazhdonte sezonin e ardhshëm në “Camp Nou”
Në mes të situatës së tij të pasigurt, Pjanic ka dhënë një intervistë për gazetën turke “Fanatik” dhe ka dashur t’i kushtojë disa lëvdata Xavit , për të cilin ka theksuar se “të punosh me të është shumë e veçantë” dhe e konsideron atë një pikë referimi.
“Xavi ka qenë gjithmonë një mesfushor model për mua. E kam ndjekur me admirim. Për mua, ai është një nga mesfushorët më të mirë të të gjitha kohërave në botë. Të punosh me të është shumë e veçantë,” tha Pjanic , i cili kujtoi se ai ka edhe dy vite kontratë me Barçën dhe shpreson të vazhdojë në klubin e Barçës.
“Kam një kontratë me Barcelonën deri në vitin 2024. Këtë vit do të punojmë me mësuesin tonë të ri Xavi. Shpresoj se do të jetë një sezon shumë i mirë për ekipin dhe për mua,” tha Pjanic .
Përveçse foli për Xavi dhe të ardhmen e tij te Barça , Pjanic kishte fjalë të mira edhe për transferimin e ri Robert Lewandowski . Mesfushori boshnjak shpreson se transferimi do ta ndihmojë ekipin të bëjë një hap në cilësi.
“Lewandowski është golashënuesi më i mirë i dëshmuar në botë. Përveç kësaj, ne kemi lojtarë shumë të mirë në vijën sulmuese. Skuadra nuk ka pasur një moment të mirë sa i përket suksesit në dy sezonet e fundit,” tha Pjanic , i cili mund të kishte minuta në Dallas kundër Juventusit , ish-skuadrës së tij. /f.a/abcnews.al
