Ditën e djeshme, tifozët e Cruzeiro përjetuan një ëndërr që gjysma e klubeve të Europës po ëndërrojnë. Faqja zyrtare e klubit brazilian njoftoi se Lionel Messi ishte përforcimi i tyre i radhës. Të gjithë mbeten të shokuar dhe brenda 15 minutash u kuptua se faqja ishte hakuar.
“Jam shumë i lumtur që jam pjesë e Cruzeiros. Është një nder për mua që të punoj me trajnerin Enderson Moreira. Shihemi së shpejti dhe mezi po pres që të luaj në stadiumin “Mineirao”,” ishte një pjesë nga deklarata “fake” e Messit. Drejtuesit e klubit menjëherë konfirmuan se po hetojnë ngjarjen, që bëri bujë në mediat vendase dhe jo vetëm.
Gjithashtu në lajmin e Messit shkruhej se klubi tashmë është në bisedime me Juventusin për të transferuar Cristiano Ronaldon. Gjithsesi deri më tani ende nuk kemi asgjë zyrtare rreth së ardhmes së kapitenit të Barcelonës, nëse ai do të vazhdojë të qëndrojë në Spanjë apo do të largohet. /abcnews.al
