Piloti i aviacionit Alper Gezeravci është zgjedhur të jetë shtetasi i parë turk në hapësirë dhe zëvendësuesi i tij është Tuva Cihangir Atasever, inxhinier i sistemeve të aviacionit në kompaninë turke të mbrojtjes Roketsan, njoftoi presidenti turk Rexhep Tajip Erdogan, në panairin e aviacionit dhe hapësirës Teknofest në Stamboll.
Erdogan tha se astronauti i parë turk do të qëndrojë në ISS për 14 ditë dhe do të kryejë 13 eksperimente të përgatitura nga universitetet dhe institucionet kërkimore turke, raportoi AP.
Në faqen e internetit të Agjencisë Turke të Hapësirës, Gezeravci përshkruhet si një veteran i Forcave Ajrore me 21 vjet përvojë dhe një pilot F-16 i cili ndoqi Institutin e Teknologjisë të Forcave Ajrore të SHBA./abcnews.al
