Loading ...
Nga Leontina Nika
Amarildo Ruci, nuk është një piktor i zakonshëm, duar e këmbë, janë në funksion të krijmtarisë së tij. Arsyeja pse nuk i nevojitet një mjet i tretë, si penelat është kjo.
“Marrëdhënia që kam unë me pikturën dhe veprën është aq e ngushtë sa nuk do të lejoja asnjë element tjetër përveçse gishtërinjtë. I gjithë elementi i dorës përdoret, thoi janë bërë pjesë e imja një gjë e tillë”, ka thënë ai.
Kësaj here, ekspozitën e çel duke sjell atmosferën e studios së tij, me qëllim afrimin e shikuesit sa më afër ndjesive të procesit krijues.
Rrugëtimi i “Ringjalljes” nis me këtë pikturë.
“Ringjallja nuk vjen rastësisht po pas një situate të vështirë siç është pandemia. Kjo ka qenë më shumë personale por siç është dhe për syrin e publikut, përjetimi personal për secilin”, shprehet ai.
Në këndin më të ngarkuar emocionalisht, ka varur edhe portretin e tij në fëmijëri.
Vertikalisht në pikturat e tij surealiste ka vënë femrën, frymëzim i lindur nga këto dy portrete.
Në këtë cikël, shfaqet i guximshëm dhe me dominancë të thellë të instiktit seksual. Qëllim i artit të tij është, të ndihmoj sadopak njeriun të kontrollojë nënvedijen.
Figura femrore vjen e zhbërë , por gjithnjë në dualizëm me mashkullin.
Shteg në fund, i lë ringjalljes, e cila përmbyllet me këtë tablo.
Amarildo Ruci me këtë cikël pikturash surealiste, mbron emancipimin dhe clirimin e qënies njerëzore./abcnews.al
