Rob Daddy është një ndër artistët e rinj në tregun muzikor shqiptar. Së fundmi, ai ka publikuar një këngë të re me titullin “Pi raki”, e cila është pritur shumë mirë nga publiku.
Në një lidhje me Skype për “ABC e Mëngjesit”, Rob tregoi që tekstin nuk ka lidhje me të, edhe pse e ka shkruar vetë ai. Sakaq, artisti zbuloi edhe arsyen pse zgjodhi ta publikonte në Ditën e Shën Valentinit.
“Të them të drejtën unë nuk e përdor rakinë, por vetëm birra ndonjëherë. Kjo demo ka lindur para vitit të ri dhe një natë nga ora 2-2 e 30 e natës ishim me dy miq në studio dhe të them të drejtën piva çik me ata dy miqtë e mi dhe lindi krejt spontanisht.
Unë e kam shkruar tekstin dhe kam bërë vijën melodike, ndërsa instrumentalen e ka bërë Kelmendi. Producenti ekzekutiv i këngës është Hekuran Gashi, edhe menaxher njëherazi.
Të them të drejtën mendova ta publikoja për 14 shkurt sepse ne edhe pse të dashuruar kemi qejf për të vuajtur. Edhe vendosëm atë ditë, pi raki dhe mendoj për ty, pim për dashni. Nuk ka të bëjë me ndonjë ngjarje timen personale, është thjesht një dhuratë për të gjithë dëgjuesit e dashuruar”, u shpreh ai./abcnews.al
