Policia në Gjermani ka nisur një hetim për një video që tregon pesë nxënës që shkëmbejnë përshëndetje naziste përpara se të vizitojnë ish-kampin fashist të përqendrimit Aushvic. Videoja është xhiruar në mes të majit, kur një grup prej 13 studentësh dhe mësuesish shkuan në Krakov për të eksploruar historinë hebraike të qytetit dhe për të vizituar mbetjet e kampit të përqendrimit të Aushvicit, raporton Welt.
Ngjarja ka ndodhur mbrëmjen para vizitës në kamp, kur studentët po shikonin në internet një video të fjalimit të Adolf Hitlerit. Një nga nxënësit filmoi katër shoqe të klasës, të cilat ndoshta ishin nën efektin e alkoolit dhe thonin përshëndetjen naziste.
Drejtori i shkollës në qytetin Lacen, pranë Hanoverit, tha se ishte “i tronditur dhe i zemëruar” nga veprimet e nxënësve.
“Ky nuk është sinjal politik i qëllimshëm, por sjellje e dëmshme dhe e papjekur e nxënësve”, tha drejtori i shkollës.
Studentët që shfaqeshin në video fillimisht u pezulluan nga mësimi dhe më pas shprehën pendimin dhe u kërkuan falje shokëve të klasës, mësuesve dhe prindërve për atë që kishin bërë./abcnews.al
