Ka ndërruar jetë në moshën 37-vjeçare Franck Berrier, ish-mesfushori francez. Gjatë karrierës si futbollist luajti me skuadra si Caen dhe Standart Liezh, teksa dy vite më parë u tërhoq nga futbolli aktiv.
Berrier nisi punën si skaut me belgët e Mechelen, ndërsa në marsin e këtij viti u emërua si zv trajner i Oostende, klub pjesë e të cilit ishte edhe Sidrit Guri në tre vitet e fundit.
Një arrest kardiak teksa po merrej me sport, e largoi nga kjo jetë në moshë fare të re, teksa të shumta janë homazhet e ish-klubeve të tij. /abcnews.al
