Ditën e djeshme në mëngjes, Michael Barber u zgjua nga thirrjet e policisë që kërkonin ndihmën e tij pasi pesë milionë bletë u arratisën nga një kamion në Kanada, në zonën e Burlington, Ontario.
Për shkak të situatës, shoferët duhet të mbanin xhamat e makinës së tyre të ulur dhe këmbësorët të qëndronin larg.
Ambjenti ishte ndryshe nga çdo gjë që Barber kishte përjetuar në karrierën e tij 11-vjeçare: “Ishte diçka tjetër,” tha ai për BBC-në, “Shpresoj që të mos e kaloj më kurrë.”
Barber, pronar i Tri-City Bee Rescue në Guelph aty pranë, tha se fillimisht mori një telefonatë nga policia lokale rreth orës 7 të mëngjesit se kishte pasur një incident dhe se bletët ishin “arratisur”.
Në të njëjtën kohë, policia lëshoi një apel në mediat sociale duke u kërkuar njerëzve të qëndrojnë larg zonës, e cila është rreth një orë në jug të Torontos. Bletët ishin në kosheret e tyre të grumbulluara në pjesën e pasme të një kamioni kur ndodhi incidenti.
Pas disa orësh, shumica e bletëve arritën të gjenin kosheret e tyre.
/abcnews.al
