Personi me thikë që plagosi priftin dhe murgeshën në Francë para sulmit bërtiti: Duhet të vrasim Macron

Një burrë sulmoi me thikë  një prift dhe një murgeshë në një Kishë në qytetin e Nicës në Francë, thanë zyrtarët sot.

Por sipas mediave të huaja, para se të godiste priftin dhe murgeshën, ai bërtiti “duhet të vrasim Macron.”

Prifti Krzysztof Rudzinski, u godit 20 herë me një thikë 7 centimetra, përpara se murgesha Marie-Claude, 72 vjeç të pritej në dorë, teka përpiqej t’i merrte thikën sulmuesit.

Lexo edhe: Sulmohen me thikë prifti dhe murgesha në Francë

Policia arrestoi një 31-vjeçar francez nga Fréjus, Franca juglindore, pas sulmit në orën 10 të mëngjesit në Kishën  Saint Pierre d’Arène, Nice.

Kryetari i bashkisë së Nices, Christian Estrosi, postoi një foto nga brenda Kishës dhe tha se sulmuesi ishte një francez i ‘jo i qëndrueshëm mendërisht”,  dhe mendohet se e kishte planifikuar sulmin prej “disa ditësh.”

Franca zhvilloi sot raundin e dytë të zgjedhjeve presidenciale. Një fitore e Macron në këtë votim do ta bënte atë presidentin e parë francez në 20 vjet që fiton një mandat të dytë. /abcnews.al/