Tre forca sigurie u plagosën dhe 10 kriminelë të dyshuar u vranë në një shkëmbim zjarri në shtetin e Meksikës në kufi me kryeqytetin Mexico City, thanë zyrtarët e shtetit të martën.
Zyra e prokurorit të Shtetit të Meksikës tha se gjatë një operacioni në komunën e vogël të Texcaltitlan “një grup i armatosur rëndë sulmoi” forcat e tij të sigurisë, tre prej tyre me lëndime jo të rrezikshme për jetën.
Ndërkohë 10 kriminelë të dyshuar u vranë dhe shtatë u arrestuan, katër prej tyre u plagosën.
Dhuna në Meksikë u rrit pasi ish-presidenti Felipe Calderon dërgoi ushtrinë në rrugë për të luftuar trafikantët e drogës në vitin 2007, duke shkaktuar një valë tensioni që nuk është zbutur.
Ndërsa presidenti actual, Lopez Obrador trashëgoi një komb që tashmë po tërhiqej nga një shkallë e lartë e vrasjeve, që nga marrja e detyrës totalet mesatare vjetore të vrasjeve janë në rrugën e duhur për të qenë më të lartat nën çdo administratë meksikane që nga fillimi i regjistrimeve moderne.
Politika e tij e sigurisë, të cilën ai e quajti “përqafime jo plumba”, është përballur me kritika të ashpra për sjellje të butë ndaj krimit./ abcnews.al
