Rajoni i Moskës ka pezulluar të gjitha ngjarjet masive në natyrë deri më 1 korrik, njoftuan autoritetet. Ky njoftim vjen pasi kryetari i bashkisë iu kërkoi qytetarëve që të kufizojnë lëvizjet e tyre nëpër kryeqytet.
Sergei Sobyanin, në një deklaratë në Telegram, njoftoi se në kryeqytetin rus është shpallur “një operacion kundër terrorizmit” dhe se e hëna nuk do të jetë “ditë pune”, me qëllim “minimizimin e rreziqeve”.
“Situata është e vështirë,” tha kryebashkiaku i Moskës Sobyanin në deklaratën e tij të postuar në Telegram. Ai shtoi se ka mundësi që disa rrugë apo lagje në qytet të mbyllen për qarkullim./abcnews.al
