Analisti Mentor Nazarko ka deklaruar lidhur me mandatin e Kryetares së Gjykatës Kushtetuese, Holta Zaçaj se ajo i mban vetë përgjegjësitë e veta nëse manipulon provat.
Ai ka thënë në emisionin “Real Story”, se Zaçaj ka pranuar që mandati i saj është dyvjeçar.
Sipas Nazarkos, drejtimi në Komisionin e Venecias me një konflikt të tillë është një turpërim në pikëpamje të lëndës që po i nënshtrohet.
“Ka një parim i rinovimit çdo tre vjet të 1/3 të saj. Ky është një parim me vlerë universale në drejtësi. Në rastin e kësaj zonje, kjo ka hyrë në janar të 2023, në qoftë se ajo do ta lëjë detyrën tani, i bie që mos përfundoj asnjë mandat hipotetik që trevjeçar.
Jemi në një situatë, kur ajo mund të pyes, se vlen parimi se mandati i një gjyqtari është 9 vjet dhe në raste të veçanta është tre vjet, apo kur ajo i mbivendoset mandatit të një gjyqtare, i cili ka zgjatur.
Ajo ka pranuar që mandati i saj është dyvjeçar. Ajo i mban përgjegjësit vetë nëse manipulon provat. Me iu drejtu Komisionit të Venecias me një konflikt të tillë është një turpërim në pikëpamje të lëndës që po i nënshtrohet”, u shpreh Nazarko./abcnews.al
