Roma e mposhti sërish Shakhtar Donetsk. Dygolëshi i spanjollit Mayoral i dhuroi verdhekuqve triumfin 1-2 në Ukrainë. Ekipi i Fonseca kaloi në çerekfinalet e Europa League me rezultatin e përgjithshëm 5-1.
Një moment në pjesën e parë shkaktoi panik në fushën e lojës. Marash Kumbulla dhe Roger Ibanez u përplasën mes tyre kokë më kokë dhe ai që u dëmtua më shumë ishte qendërmbrojtësi brazilian.
22-vjeçari u zëvendësua menjëherë, teksa trajneri Fonseca zbuloi një detaj rreth gjendjes së lojtarit latin. “Roger nuk mban mend asgjë nga pjesa e parë që luajti“.
Gjendja e futbollistit është e mirë dhe sot do t’i nënshtrohet disa kontrolleve mjekësore për të parë shkallën e dëmtimit në kokë. /abcnews.al
