Një aksident me vdekje është shënuar mëngjesin e së shtunës në aksin rrugor Rrëshen-Rubik. Mësohet se një automjet tip “Chevrolet”, që drejtohej nga një shtetas malazez është përplasur me një mjet “Benz”, që drejtohej nga 56 vjeçar, efektiv policie pranë Komisariatit të Policisë Mirditë.
Si pasojë e aksidentit ka humbur jetën polici Gëzim Lazri, i cili sapo kishte lënë shërbimin dhe po kthehej në shtëpi. Drejtuesi i mjetit tjetër ndodhet në spital. Dyshohet se shkaku i aksidentit ka qenë parakalimi i gabuar në shkelje të rregullave i “Chevrolet” që drejtohej nga malazezi./abcnews.al
