Një anije me emigrantë është mbytur në ishullin Lesbos, të Greqisë. Mediat në vend raportojnë se së bëhet fjalë për 16 persona me origjinë afrikane. Anija është përmbysur në orët e para të së enjtes në zonën detare “Provoskida” në lindje të ishullit, ndërsa është duke u zhvilluar një operacion nga rojet bregdetare për të kërkuar për trupa.
Nga aksidenti kanë mundur të shpëtojnë nëntë gra të cilat u dërguan në spitalin e Mytilinit, ku morën edhe ndihmën e parë.
Në total, në bordin e anijes në Lesbos ndodheshin rreth 40 persona. Në orën 8 të mëngjesit të së enjtes trupat e pajetë janë nisur për në morg ndërsa roja bregdetare, policia greke, zjarrfikësja dhe ushtria me ndihmën e një helikopteri Super Puma të Forcave Ajrore po operojnë në zonë në kërkim të të paktën 15 personave të tjerë të zhdukur. /abcnews.al/
