Bashkëkryetarja e Reformës Zgjedhore dhe njëkohësisht vajza e gjyqtares së shkarkuar sot nga KPK, Fatmira Hajdari, Rudina Hajdari ka folur në lidhje me shkarkimin e nënës së saj ditën e sotme.
E përlotur, nga foltorja e Kuvendit, Rudina Hajdari u shpreh se lajmi i sotshëm për shkarkimin nga detyra të nënës së saj, është përgjigja ndaj atyre që e kanë akuzuar se ajo qëndron në parlament për të mbrojtur nënën.
“Dita e sotme ka filluar me një lajm për familjen time dhe pa dyshim shumë njerëz jashtë kësaj salle që më janë sulur si ujqër dhe thonë se unë ndenja në këtë Kuvend për nënën time, sot e morën përgjigjen.
Unë besoj te Reforma në Drejtësi. Nëse e them këtë për time më’, e them për çdo gjyqtar dhe prokuror dhe do ta mbushte këtë reformë deri në fund, sepse shkon përtej interesave të familjes time, por sot kam folur për Këshillin Politik për reformën zgjedhore”, tha Hajdari.
Kjo deklarate e Hajdarit është mirëpritur nga mazhoranca në parlament. Kjo e fundit e ka përshëndetur Hajdarin me duartrokitje. /abcnews.al
