Në qarkun e Vlorës po bëhen përgatitjet e fundit për zgjedhjet që do të mbahen nesër. Gazetari Elton Nika raporton se materialet zgjedhore kanë mbërritur që prej ditës së mërkurë duke u shpërndarë më pas në të gjithë KZAZ-të. Siç raportoi gazetari, deri në këto momente situata paraqitet e qetë.
Bashkia e Vlorës ka 225 qendra votimi dhe katër KZAZ, 83,84,85 dhe 86. Dy do të jenë të vendosura pranë pallatit të sportit, një KZAZ do të jetë në ambientet e gjimnazit ‘Ali Demi’ ndërsa tjetra në shkollën ‘Ismail Qemali’. 36 qendra votimi janë në Vlorë ndërkohë që për bashkinë e Selenicës janë 42 qendra votimi.
Zgjedhjet vendore do të mbahen të dielën e 14 majit, ku do të garohet në 61 bashki të vendit./abcnews.al/abcnews.al
