Lideri i Koresë së Veriut, Kim Jong-un ka përfunduar vizitën në Rusi dhe ka mbërritur në vendin e tij me trenin special të blinduar.
Sipas Agjencisë Qendrore Koreane të Lajmeve (KCNA), Kim ka mbërritur në vendin e tij pas vizitës 6 ditore në Rusi, që është udhëtimi më i gjatë në periudhën e udhëheqjes së tij.
Treni special i blinduar që transporton Kim Jong-un ka mbërritur dje në kufirin e vendit në orët e mëngjesit dhe se vizita e Kim ishte “vizitë e vullnetit të mirë”.
Rusia njoftoi se Kim u largua nga vendi më 17 shtator.
Kim dhe Putin u takuan më 13 shtator
Lideri veri-korean Kim u takua me presidentin e Rusisë, Vladimir Putin më 13 shtator në bazën hapësinore “Vostochny” në rajonin Amur të Rusisë.
Putin i cilësoi si “produktive” negociatat me Kim Jong-un dhe theksoi se kanë shkëmbyer mendimet lidhur me situatën në rajon dhe për çështjen e marrëdhënieve dypalëshe.
