135 mijë punonjës të administratës publike do të përfitojnë rritje pagash që prej 1 korrikut. Ministri i Financave Ervin Mete tha se me zbatimin e kësaj politike paga mesatare në sektorin publik synohet të arrijë në 105 mijë Lekë. Rritje pagash do të përfitojnë mjekët, mësuesit policës e zjarrfikësit.
Punonjësit e administratës duke nisur nga 1 korriku do të përfitojnë rritje të pagave. Vendimi është miratuar në mbledhjen e qeverisë ndërsa ministri i Financave shpjegoi se me zbatimin e kësaj politike paga mesatare në sektorin publik synohet të arrijë në 105 mijë Lekë.
Buxheti I shtetit ka akorduar për rritjen e pagave në pjesën e dytë të këtij viti 11 miliard lekë ministri Mete tha se , me ndryshimet ligjore të miratuara, parashikohet indeksimi i të gjitha pagave në administratën publike me normën e inflacionit në fuqi.
Ministrja e arsimit Ogerta Manastirliu tha se për mësuesit paga mesatare do të ketë rritje me 18 mijë lekë .
Mjekët pritet të përfitojnë një rritje të pagave me 20 mijë lekë ndërsa infermierët 15 mijë lekë. Të favorizuar në rritjen e pagave do të jenë edhe zjarrfikësit dhe forcat e gradës.
“Sot në Këshillin e Ministrave u miratuan vendime specifike. Paga mesatare në sektorin publik arrin në 105 mijë lekë. Pagat e rritura fillojnë të aplikohen në 6 mujorin e dytë të vitit 2024 duke filluar nga 1 korriku”, tha Mete.
