Mozzik dhe Loredana janë dy personazhet publikë më të komentuar së fundmi nëpër media. Pas ndarjes së bujshme pak kohë më parë, duket se gjërat mes çiftit janë rregulluar, të paktën kjo kuptohet nga disa video dhe foto që kanë qarkulluar në media sociale.
Ndërkohë së fundmi, thashethemet se dyshja është rikthyer sërish në krahët e njëri-tjetrit janë shtuar pas një tjetër videoje që është publikuar. Fillimisht u panë në një qendër tregtare në Gjermani. Ndërkohë që pak ditë më parë, në kulmin e spekulimeve se reperi dhe Loredana janë bashkë sërish, kjo e fundit udhëtoi drejt Kosovës.
Dyshja janë parë sërish shoqërinë e njëri-tjetrit në Prishtinë, kësaj radhe duke darkuar në një restorant në Prishtinë. Loredana dhe Mozzik kanë qenë pa vajzën e tyre Hanën, ndërsa së bashku me ta ishte edhe këngëtarja e njohur Kida.
Megjithatë, fakti që Loredana dhe Mozzik kanë nisur të shoqërohen sërish kaq shpesh, do të thotë shumë. Nuk e dimë nëse ka ndonjë projekt mes tre artistëve, që mund të jetë dhe arsyeja e takimit. Kujtojmë që ky sezon ka qenë mjaft i suksesshëm për ta. xh.d/abcnews.al
