Gazetari i “ABC” Leonidha Musai mëson detaje të reja nga operacioni që u zhvillua sot në Durrës.
Shtatë persona u arrestuan ditën e sotme për evazion fiskal. Të arrestuarit janë administratorë dhe punonjës firmash.
Në total janë dhjetë personat që u vendosën në hetimin për krijimin e një skeme mashtrimi me TVSH-në me vlerë 6 milionë euro.
Prokuroria e Durrësit i nisi hetimet në vitin 2016, ndërsa në muajt e fundit ka konkluduar duke dërguar shtatë prej tyre pas hekurave.
Bëhet fjalë për një skemë mashtrimi që konsiston në krijimin e 5 subjekteve private thuajse fantazmë me qëllim shmangien e detyrimeve fiskale.
Rreth 6 milionë euro janë detyrimet e papaguara që shmangeshin përmes faturave fiktive./ Abcnews.al
