Në prezantimin e lojtarit më të ri të Real Madrid, Jude Bellingham, fjalën i pari e ka marrë presidenti i klubit spanjoll, Florentino Perez.
“Sot është edhe një herë një ditë shprese. Madhështia e 121 viteve tona është ndërtuar me figura dhe lojtarë të një talenti tjetër. Ne themi gjithmonë se sukseset që arrijmë së bashku janë për faktin se lojtarët ndjejnë si tifozët e Real Madrid. Dhe sot një nga lojtarët më të mirë në botë arrin në Madrid. Ai është këtu sepse donte, sepse vendosi që historia e tij duhej të lidhej me këtë klub, më të mirin në botë.
Dua të përçoj mirënjohjen time që na zgjodhët. Ju jeni në klubin më kërkues në botë dhe vlerat e këtij klubi do t’ju shoqërojnë përgjithmonë. Jam i sigurt që keni rënë në dashuri me Madridin duke parë vlerat tona, solidaritetin, përpjekjen dhe shoqërinë.
Do të mësoni se në Madrid ne nuk dorëzohemi kurrë dhe në zemrat e miliona tifozëve të Real Madrid do të keni forcën për të përballuar presionin dhe vështirësitë që shfaqen. Ju vini në Madrid nga një prej klubeve të mëdha evropiane, një klub miqësor si Borussia Dortmund. Ju keni qenë vendimtar atje, me momente të paharrueshme. Ju keni qenë më i miri në Bundesligë, keni qenë golashënuesi më i ri i Dortmund, gjithashtu më i riu që shënoi me Birmingham. Me Anglinë je një nga më të mëdhenjtë dhe në vitin 2021 ke qenë lojtari më i ri që ka luajtur në një Eurokupë.
Ne do të përpiqemi t;ju bëjmë shumë të lumtur këtu dhe të realizojmë të gjitha ëndrrat tuaja. Do të shihni që me këtë fanellë asgjë nuk është e pamundur”, është shprehur Perez gjatë prezantimit të Bellingham./h.ll/acbnews.al
