Një spital në Brooklyn mori një surprizë të veçantë këtë javë: Një kamion me 1,800 piktura, një për çdo punonjës, shkruan CNN. Piktura u krijua dhe u dhurua nga artisti me qendër në Los Angeles, Michael Gittes. “Në kulmin e pandemisë, Michael kishte këtë ide të mrekullueshme për të dhuruar një pikturë për çdo punonjës të vetëm në një spital, konkretisht në Nju Jork, sepse Nju Jorku po përballej më pasoja më të rënda nga Covid-19, tha Eli Bronner, menaxher i Gittes për CNN.
Në kulmin e rritjeve të rasteve në Nju Jork, Qendra Mjekësore ishte e tejmbushur deri në 90% nga pacientët që vuanin nga koronavirusi, i tha CNN CEO i Spitalit LaRay Brown.
“Më 12 Prill, u shtruan 136 pacientë me Covid,” tha Brown. “Ne në thelb ishim një spital Covid.”
Dërgimi i pikturave në të gjithë kontinentin u bë i mundur përmes fondeve të mbledhura nga koleksionistët, sipas Bronner. Piktura mbërriti në Brooklyn të hënën në 40 kuti, dhe u shpërndanë të enjten, tha Brown për CNN.
“Ata u ndjenë sikur … kishin punuar pa u lodhur dy muajt e fundit dhe që më në fund dikush arriti të shohë atë lodhje dhe t’i dhurojë atyre diçka, ata ishin kaq të lumtur,” tha Green.
Sipas Bronner, Gittes dëshironte të luftonte ndjenjën e pafuqisë të shkaktuar nga pandemia, dhe të përdorte artin e tij për të bërë homazhe ndaj punonjësve të kujdesit shëndetësor, raporton abcnews.al
Projekti, i titulluar “ju nuk jeni të panjohur”, ka për qëllim t’u tregojë punëtorëve të vijës së parë se ata janë të dashur nga artisti dhe bota, pasi ata po luftojnë këtë luftë të vështirë kundër koronavirusit.
“Ju jeni të dashur nga miliona njerëz që nuk do të takoni kurrë. Ju nuk jeni të huaj për askënd. Dhe këto lule janë nga të gjithë për ju”, tha Gittes.
Gittes pikturoi një lule për secilin punëtor të spitalit sepse punëtorët janë si lule në një kopsht, shpjegoi Bronner. Duke dërguar artin në shtëpitë e tyre, Gittes dëshiron t’u ofrojë atyre “një moment paqeje nga gjithë kjo çmenduri”, tha Bronner.
“Unë mendoj se shumë njerëz nuk e kuptojnë se sa lodhje fizike dhe emocionale ka qenë kjo pandemi, jo vetëm për punonjësit tanë mjekësorë dhe punonjësit e spitalit, por edhe familjet e tyre,” tha Bronner./abcnews.al
