Kreu i grupit militant Hezbollah të Libanit është takuar me kreun e Xhihadit Islamik Palestinez, Ziyad al-Nakhalah dhe nënkryetarin e Hamasit, Saleh al-Aruri, sipas mediave libaneze.
Hassan Nasrallah dhe udhëheqësit militantë vlerësuan se çfarë hapash duhet të ndërmarrin për të arritur fitoren në Gaza. Xhihadi Islamik Palestinez është organizata e dytë më e madhe militante në Gaza pas Hamasit.
Sipas një deklarate të Hezbollahut, të tre diskutuan mbi ngjarjet e fundit në Rripin e Gazë, duke përfshirë përleshjet e vazhdueshme në kufirin e Libanit me Izraelin. Është rënë dakord që të vazhdohet koordinimi dhe monitorimi i rregullt i zhvillimeve në baza ditore, thuhet në deklaratë.
Që kur Izraeli filloi një luftë kundër Hamasit dhe filloi bombardimet e pamëshirshme ndaj Rripit të Gazës pas sulmit të tij të paprecedentë në territorin izraelit më 7 tetor, tensionet janë rritur përgjatë kufirit të tij verior, duke shkaktuar dhjetëra vdekje, të paktën 47 në Liban.
Situata ka shqetësuar OKB-në, forca paqeruajtëse e së cilës në Liban ka frikë nga një shpërthim.
Të dielën, ushtria izraelite akuzoi Hezbollahun se kërkon përshkallëzim dhe kryeministri izraelit Benjamin Netanyahu i tha partisë shiite libaneze se do të bënte “gabimin më të madh” nëse do të hynte në luftë me vendin e tij.
/abcnews.al
