Nga një nëntori në Shqipëri ka filluar të bëhet doza e tretë e vaksinës. Atë kanë të drejtën ta bëjnë të gjithë ata që janë mbi 18 vjeç.
I ftuar në “ABC e Mëngjesit”, epidemiologu Ilir Alimehmeti ka thënë se doza e tretë ka efekt për variantin Delta të Covid-19.
Sipas Alimehmetit, të gjithë janë të fokusuar të varianti Omicron, por duhet të kenë parasysh edhe Deltën.
LEXO EDHE: Omicron do të mbizotërojë Shqipërinë në janar? Përgjigjet Alimehmeti
“Ne flasim Omicron, po harrojmë se 90% e rasteve janë Delta. Doza e tretë ne e dimë të sigurtë që ka efekt përsa i përket Deltës. Këtu kemi siguri, këtu i kemi të dhënat.
Vaksina e tretë bëhet për Deltën, kjo është pikë e rëndësishme”, tha ai./abcnews.al
