Këto shkalle të Bibliotekës së Lezhës i ngjit çdo ditë. Anton Metaj qëndron aty gati tre ore duke studiuar historinë e Shqipërisë dhe Europës. Ka përfunduar studimet e larta në Shkodër, në Fakultetin e Historisë dhe Gjeografisë, por lidhja me historinë është më e hershme.
Universitetin e përfundoi me rezultate mjaft të mira, por diploma dhe orët e gjata të studimet as sot e kësaj dite nuk i kanë siguruar një vend pune.
Antoni tregon se kushtet e vështira ekonomike nuk ia lejojnë t`i përkushtohet siç do të donte pasionit të tij. Nuk ka pasur kurrë mundësi të blejë libra historie.
Nëse do të kishte mundësi, do të studionte me tepër kohën e mbretërimit të Ahmet Zogut, por edhe arkeologjinë moderne të Shqipërisë.
Pasi përfundon orët e studimit ne bibliotekën e qytetit Antoni kthehet në shtëpi, për t`u kujdesur për nënën e sëmurë dhe familjen e tij.
U shërben atyre mesa mundet. Më pas me nënën që mbahet pas krahut të tij shëtit për pak në rrugët e qytetit duke shpresuar që një ditë ëndrra për të ushtruar profesionin do t`i gjej realizim.
