“Një mollë në ditë mban larg doktorin”, thotë një shprehje e famshme, por ju duhet të dini që jo vetëm molla mban larg doktorin, por edhe bananet.
Një studim i Universitetit të Alabamas ka zbuluar se ngrënia e bananeve çdo ditë mund të ndihmojë në parandalimin e sëmundjeve të zemrës dhe goditjeve në tru. Kjo falë mineralit të kaliumit që ndikon në rrjedhën e gjakut.
Edhe studime të tjera të mëparshme tregojnë gjithashtu se një dietë e pasur me kalium ndihmon në uljen e presionit të gjakut dhe zvogëlon rrezikun nga sëmundjet e zemrës, informon abcnews.al.
Ndërsa bananet kanë një reputacion për përmbajtjen e kaliumit, gjithashtu rekomandohet nga mjekët edhe brokoli, spinaqi, karrota, lulelakra dhe perime të tjera, në vendin e saj. Pra, mos u shqetësoni! Nëse nuk arrini që ta keni çdo dirë pjesë të dietës tuaj bananen, mund ta zëvendësoni me fruta dhe perime të tjera, që janë shumë të mira për shëndetin tuaj./e.b-abcnews.al
