Pas SHBA dhe BE edhe ambasada britanike i ka bërë thirrje Kuvendit të votojë zgjatjen e organeve të vetingut. Në një deklaratë për mediat, ambasada thekson se zbatimi i reformës në Drejtësi është thelbësor për një sistem drejtësie të pavarur dhe efikas për të ardhmen e Shqipërisë.
Lexo edhe: Ambasadori gjerman: Të zgjatet mandatit i organeve të vettingut
“Zbatimi i reformës në drejtësi është thelbësor për një sistem drejtësie të pavarur dhe efikas si dhe për të ardhmen e Shqipërisë. Ne inkurajojmë Kuvendin e Shqipërisë të mbështesë zgjatjen e propozuar të vetingut.
Procesi i rivlerësimit i të gjithë gjyqtarëve dhe prokurorëve duhet të bëhet në mënyrë të drejtë dhe të barabartë. Kjo do të ndikojë në konsolidimin e mëtejshëm të reformës dhe në përgjithësi në rritjen e besimit në sistemin e drejtësisë”, thuhet në njoftimin e ambasadës britanike. /abcnews.al
