Ish-deputeti demokrat Bardh Spahia ka publikuar një video nga Shkodra nën ujë. Spahia thotë se situata nuk po njeh përmirësim pasi pushteti vendor është lënë i vetëm nga qeveria. Ai shton se refuzimi i Ramës për të shpallur gjendjen e fatkeqësisë natyrore është një pabesi ndaj banorëve të Shkodrës.
“Ka një situatë të agravuar të përmbytjeve në Shkodër për shkak të reshjeve që vijojnë dhe situata nuk po njeh përmirësim. Pushteti vendor në Shkodër po bën maksimumin për t’u qëndruar banorëve pranë por është lënë I vetëm nga qeveria.
Refuzimi i Edi Ramës për të shpallur gjendjen e fatkeqësisë natyrore është pabesi ndaj banorëve të Shkodrës. Janë mbi 4 mijë hektarë tokë e përmbytur dhe uji sic shihet nga pamjet e sotme ka hyrë brenda në qytet. Kjo është situata që Edi Rama refuzon ta konsiderojë! Ai refuzon të ndërhyjë për të ndihmuar në një situatë të tillë.
Në 8 vitet e rregjimit të tij, Shkodra nuk ka njohur mbështetje por vetëm denigrim nga qeveria e situata mbetet e njëjtë edhe sot, kur banorët kanë më shumë nevojë se kurrë për mbështetjen e qeverisë e cila paguhet me taksat e tyre për t’u kujdesur për ta!
Shikoji këto pamje Edi Rama! Situta nuk pret: shpall gjendjen e fatkeqësisë natyrore sepse e ke detyrim njerëzor, e jo përmbushje e mllefit të verbër nga refuzimi politik që të ka bërë gjithnjë Shkodra!”, shkruan Spahia.
Më herët gjatë pasdites së sotme edhe kreu i shtetit Ilir Meta kërkoi shpalljen e gjendjes së fatkeqësisë natyrore në Shkodër për shkak të situatës së përmbytjeve./mv.abcnews.al
