Kanye West po mendon të zhvendoset në Londër, pasi divorci i tij me Kim Kardashian të jetë finalizuar. Reperi 43-vjeçar ka qenë në qendër të mediave të huaja ditët e fundit, pas lajmit se martesa 6-vjeçare me yllin e “Keeping With The Kardashian” po shkon drejt fundit.
“Sapo divorci të finalizohet, Kanye u ka thënë miqve se ai e sheh të ardhmen e tij në Londër. Ai është i etur të zgjerojë Korin e tij të Shërbimit të Dielës në Evropë dhe mendon se kryeqyteti anglez mund të jetë një bazë e mirë.“, tha një burim për “The Mirror”.
Ndërsa, Page Six raportoi se kandidimi i dështuar presidencial i Kanye ishte ‘pika e fundit’ për Kim, mes luftës së tyre për ta bërë martesën të funksiononte. Por një burim tjetër është shprehur se “Kanye është xheloz për kohën që Kim i ka kushtuar reformës në burg dhe fëmijëve. Kanye donte që familja të transferohej në Wyoming.”
Kujtojmë gjithashtu që në fillim u raportua se reperi e ka tradhëtuar Kardashian me make up artistin Jeffree Star, thashetheme të cilat i hodhi poshtë vetë ky i fundit përmes një videoje në kanalin e tij në Youtube. Madje hodhi akuza ndas së ëmës së Kim, Kris Jenner se mund të qëndrojë pas këtij skandali. /abcnews.al
