Një kërkim arkeologjik ka bërë të mundur zbulimin e madh të një varreze tumulare e periudhës së Bronzit të Vonë.
Lajmi është bërë i ditur nga gazetari Aleksandër Çipa, i cili thotë se gërmimet arkeologjike të kryera së fundmi në Himarë kanë nxjerrë në dritë varrezën tumulare që daton në shekullin XV-XII para erës së re.
Postimi:
Zbulim i ri arkeologjik në Himarë
-Arkeologet vlonjate zbulojnë varrezën tumulare të shekullit XV-XII p. Kr-
Himarë 6 korrik 2020
Nga një gërmim arkeologjik shpëtimi i realizuar së fundi në Himarë, nga Drejtoria Rajonale e Trashëgimisë Kulturore të Vlorës dhe Instituti Kombëtar i Trashëgimisë Kulturore është zbuluar një varrezë tumulare e periudhës se Bronzit të Vonë (Shek. XV-XII p.Kr).
Sipas arkeologeve zbulimi është i një rëndësie të veçante, pasi është i pari sit arkeologjik i këtij lloji që zbulohet ne bregdetin e Himarës, duke i’a shtuar Hartës Arkeologjike të Shqipërisë edhe një zonë tjetër me varreza tumulare. Ky është padyshim zbulimi i parë dhe kaq i rëndësishëm pas disa shekujsh në tokën shqiptare në bregdetin jugor./abcnews.al
