Abc prej disa kohësh ka denoncuar abuzimin me tubat e ujësjellës-kanalizimeve në qytetin e Elbasanit.
Në denoncimet e vazhdueshme të bëra nga Abc rezultonte se ndërhyrja e parë e bërë në sistemit e ujësjellës-kanalizimeve në qytetin e Elbasanit, ka qenë totalisht abuzive, pasi tubat e përdorura nga kompania që kishte fituar tenderin kanë qenë jashtë standardit.
Lidhur me këtë çështje nisi dhe një hetim nga ana e Prokurorisë së Rrethit Gjyqësor të Elbasan.
Por siç shihet edhe në videon e publikuar nga Abc, firma ka bërë lëvizjen e saj për zhdukjen e provave, duke çarë sërish rrugët për të bërë ndërrimin e tubave.
Por siç dihet ndërhyrjet e herëpashershme në infrastrukturë, përveç dëmit në para që ju bëhet qytetarëve përmes taksave, shkakton dhe kaos në qytete dhe në lëvizjen e lirë.
/Abcnews.al/
