Loading ...
Pas lajmit se Kim Kardashian dhe Kanye West po shkonin drejt divorcit javën e kaluar, ylli i TikTok Ava Louise supozoi se ndarja kishte ardhur për shkak të tradhëtisë së këtij të fundit me Jeffree Star. Louise postoi një video ku shprehej se lajmi për divorcin nuk e kishte habitur pasi e dinte që Kanye kishte qenë në lidhje me make-up artistin e njohur.
Pas bujës në mediat e huaja, Ava ka bërë me dije se menaxheri i saj ka marrë një letër nga kompania e Kris Jenner – Jenner Communications. Në letrën e siguruar nga Daily Mail thuhet se Louise duhet të ndalojë së akuzuari Kim dhe Kanye përndryshe do të përballet me sanksione ligjore.
Louise thotë se ka dëgjuar për herë të parë thashethemet për një lidhje të mundshme të make up artistin me reperin në Nëntor nga një mikja e saj avokate, por pranon se nuk kishte ‘prova konkrete’. Vetë Star dhe burime pranë familjes Kardashian kanë mohuar të kenë patur një lidhje. Përsa i përket reperit West nuk ka reaguar deri më tani. /abcnews.al
