Fillimisht ishte skuadra e Girondins de Bordeaux dhe tashmë është radha e një tjetër skuadra të madhe të futbollit francez të ndëshkohen.
“Gjigantët” e Olympique Lyon janë zbritur përkohësisht në Ligue 2 dhe janë dënuar me një ndalim transferimi për shkak të parregullsive të rënda financiare, me vendimin e shpallur nga organi rregullator i Federatës Franceze të Futbollit këtë të premte, që ka shkaktuar tronditje në botën e futbollit dhe ka ngritur pikëpyetje për të ardhmen e klubit.
Kjo masë ekstreme vjen nga dështimi i Lyon për të respektuar rregulloret e Fair Play Financiar (FFP) dhe borxhet në rritje që e kanë vënë klubin në shkelje të rregullave të ligës. Pas një shqyrtimi të plotë, zyrtarët e Ligue 1 e konsideruan modelin aktual financiar të klubit të paqëndrueshëm, duke i dhënë ndëshkime të rrepta.
Dënimi përfshin një ndalim transferimi, i cili e ndalon klubin të regjistrojë lojtarë të rinj në hapësirat e ardhshme të merkatos dhe sicc theksuam edhe pak më lart edhe rrëzimin e përkohshëm nga kategoria.
Sipas raportimeve më të fundit të mediave franceze këto vendime, disi ekstresme mund të kenë pasoja katastrofike për skuadrën e Lyon, një klub i njohur për historinë e tij, duke përfshirë tituj të shumtë të Ligue 1 dhe paraqitje të vazhdueshme në garat evropiane. /i.m /abcnews.al
