Loading ...ELBASAN- “40 vite si 4 muaj” sepse kur dashuria është e vërtetë, koha fluturon. U njohën para 40 viteve dhe që atëherë ia kanë dedikuar jetën njëri tjetrit.
Çdo dite është një arsye për ti treguar partnerit të jetës se pavarësisht se flokët e bardha shtohen dashuria nuk plaket kurrë. Dhimitër dhe Fatbardha Topuzi dy artistë të njohur të skenës elbasanase janë në shembull i bukur se kur dashuria është e vërtetë zgjat përgjithmonë.
Ata tregojnë se thelbi i një martese të lumtur dhe të suksesshme është dashuria, mirëkuptimi dhe respekti për njëri-tjetrin. Edhe pse të dy kanë pasur një jetë shumë aktive pasi që të dy janë artistë, filmi më i bukur i tyre është historia e dashurisë të cilën aktori i njohur tregon se si nisi.
40 vite jetë së bashku nuk kanë qenë të lehta, por sipas Fatbardhës ata ia kanë dalë falë mbështetjes që i kanë dhuruar njëri tjetrit.
4 dekada jetë së bashku ka bërë që çifti të kalojë shumë sfida por padyshim edhe momente të bukura. Sot janë prindër të një vajze, por shpirti romantik i artistit e shoqëron Dhimitrin çdo ditë të jetës. Thotë se lule Fatbardhës i ka dhuruar që në ditën e parë kur ajo shkoi në shtëpinë e tij dhe këtë traditë e ruan edhe sot.
Afro gjysmë shekulli së bashku Fatbardha dhe Dhimitri bien dakord në një pikë, se thelbi i lumturisë dhe i një marrëdhënie të shëndetshme është dashuria, ndaj inkurajojnë të rinjtë që ta vlerësojnë si gjënë më të bukur.
Padyshim që jeta e Fatbardhës dhe e Dhimitrit nuk ka qenë e lehtë pasi sfidat kanë qenë të shumta dhe vështirësitë gjithashtu , por janë shembulli se si mbi çdo pengesë zgjodhën dashurinë./abcnews.al
