Loading ...
Dominimi i Paris SG në Francë dhe Europë është ndërprerë më një suprizë të madhe. Seria e trofeve u mbyll në finalen e Superkupës së Francës, që skuadra e drejtuar nga Luis Enrique e humbi me rezultatin 1-0 përballë Lens.
Kampionët e Ligue 1 dhe Champions League zbritën në “Stade de France” si favoritë absolutë, aq më tepër që vetëm pak ditë më parë kishin fituar edhe Superkupën e Europës.
Por këto parashikime nisën të zbeheshin shpejt, pasi parizienët vuajtën që në minutat e para.
Lodhja pas një sezoni të gjatë dhe me thuajse të gjithë lojtarët të impenjuar me ekipet kombëtare në finalet e Botërorit, ekipi i Enrique do të ndëshkohej në minutën e 32-të.
Thauvin zhbllokoi finalen me golin e tij, duke i dhuruar epërsinë Lens.
Në pritje të barazimit nga Paris SG, golat do t’I linin vendin kartonëve të kuq.
Antonio la fushën në minutën e 39-të, por edhe me forca më të shumta, Paris SG nuk arriti të ndryshojë rrjedhën e sfidës.
Madje, vetëm tre minuta nga fundi i kohës së rregullt, Nuno Mendez u ndëshkua me karton të kuq, duke vulosur zhgënjimin e kampionëve francezë.
Në fund e gjithë festa ishte për Lens, që I jep fund dominimit të Paris SG në sezonet e fundit.
Gjithsesi, ky triumd mund të zgjasë pak, pasi të besuarit e Luis Enrique mbeten sërish favorit në edicionin 2026/2027 të Ligës 1./abcnews.al
