Papa Françesku ka thënë se nuk do të vizitojë Ukrainën. Papa theksoi se ishte “i gatshëm të bënte gjithçka për të ndalur luftën”, por një vizitë e tij mund të ndërhyjë në “objektiva më të larta”, siç janë përpjekjet për t’i dhënë fund luftës, shkruan BBC.
Në intervistën e publikuar të premten, Ati i Shenjtë e përshkroi gjithashtu vizitën e tij të papritur në ambasadën ruse në Vatikan në fund të shkurtit si “një vendim të çastit që e kishte marrë një natë duke menduar për Ukrainën”.
“Unë shkova vetëm. Nuk doja që askush të më shoqëronte. Ishte një përgjegjësi e imja personale,” theksoi Papa.
/abcnews.al
