Pandemia e Covid ka përfunduar por pasojat vijojnë të ndjehen. Sipas një raporti të Organizatës Botërore të Shëndetësisë, izolimi bëri që të shtohet koha e qëndrimit të fëmijëve në rrjetet sociale duke i shkëputur nga aktivitetet fizike në natyre. Edhe në Shqipëri, mjekët e Institutit të shëndetit public thonë se shumë prindër ankohen për mbipeshë të fëmijëve.
“Ky dhjetë vjeçar i pëlqen aq shumë ekranet sa pothuajse të gjithë kohën e lirë na tregon se e kalon para telefonit apo televizorit. Sportet e tërheqin, por mundësitë për tu angazhuar i ka vetëm gjatë fundjavës.”
“Pandemia ka përfunduar, por pasojat e saj vijojnë të ndjehen. Izolimi sipas një raporti të Organizatës Botërore të Shëndetësisë ku u përfshinë fëmijë në moshë shkollore në 17 shtete të Europës mes tyre dhe Shqipëria shtoi kohën e kaluar në mediat sociale, lojërat në kompjuter dhe reduktoi ato në natyrë duke rritur kështu numrin e fëmijëve mbipeshë.”
“Kemi një dyfishim të numrit të prindërve që mendojnë se fëmija i tyre është mbipeshë në raport me para pandemisë ose obez. Perceptimi i prindërve në nivel europian është për një katërfishim përgjatë pandemisë. Për aktivitetin fizik mesatarja jonë kombëtare është me e ulët se ajo europiane gati 1 në 5 fëmijë e ka ulur aktivitetin fizik si gjatë javës dhe gjatë fundjavës. Qendrimi para ekranit të kompjuterit ka rritje pasi ne kemi gati 1 në 5 fëmijë nga 1 në 3 që ishte para pandemisë.”
Megjithëse shumë prindër përpiqen ti ndryshojnë këto raporte shpesh nuk kanë rezultat.
Por pandemia regjistroi dhe një faktor pozitiv. Gatimin e vakteve në shtëpi dhe konsumin e tyre së bashku.
“Ndoshta mbyllja dhe të qenit së bashku të gjithë anëtarëve të familjes, referuar ndoshta dhe traditës tonë, ka rritur më shumë gatimin e ushqimeve brenda familjes konsumin e vakteve së bashku, një përmirësim të konsumit të mëngjesit tek fëmijët, me 1 në 4 fëmijë e ka rritur konsumin e mëngjesit ndërkohë që ne shifrat e mëparshme i kishim 60- 65 % e fëmijëve konsumonin mëngjes. Konsumi i rritur i frutave dhe perimeve ku Shqipëria bashkë me Maqedoninë e Veriut zënë vendin e parë me një dyfishim të numrit në raport me mesataren Europiane. Pasi trendi jonë i të dhënave shkon nga 18 deri në 25 % e fëmijëve kanë rritur konsumin e frutave dhe perimeve.”
Në Europë konsumi i frutave dhe perimeve është i ulët ndërsa 1 në 3 fëmijë është mbipeshë ose obezë. Organizata Botërore e Shëndetësisë këshillon për përmirësimin e modeleve të ushqyerjes dhe shtimin e aktivitetit fizik për fëmijët në rajon.
/abcnews.al
