ABC ka siguruar pamje nga aksidenti tragjik që ndodhi mbrëmjen e sotme në rrugën e Tales në Lezhë, ku për pasojë ndërruan jetë shoferi Kristjan Magjuni dhe pasagjerja, Atjola Ademi.
Në pamje duket se përplasja ka qenë aq e fortë sa ka shembur një mur rrethues të një banese duke përfunduar në oborrin e saj.
Për pasojë automjeti është bërë “copash”. Shkak i aksidentit dyshohet të ketë qenë humbja e kontrollit të automjetit nga ana e shoferit për shkak të shpejtësisë.
Policia ndodhet në vendin e ngjarjes dhe po punon për të sqaruar rrethanat e plota të saj. m.v/Abcnews.al
