Një stuhi e fortë përfshiu disa qytete të Kroacisë pasditen e së mërkurës dhe shkaktoi dëme të mëdha.
Në Karlovac ka rënë breshër në madhësinë e një arre. Në Zagreb, qielli u errësua për pak çaste dhe një erë e fortë shkaktoi dëme të mëdha. Pemë të shumta u rrëzuan, era shkatërroi çatitë e shtëpive ndërsa shumë rrugë u përmbyten si pasojë e vërshimeve nga ujërat. Mediat kroate shkruajnë se një pjesë e Zagrebit ka mbetur pa energji elektrike.
Autoritetet kanë ndezur sirenat e alarmit për të informuar për situatën e rëndë që po kalon vendi. Për momentin nuk ka informacione nëse ka të lënduar nga stuhia, por dëme të mëdha janë shkaktuar në të gjithë Kroacinë.
Bashkia e Zagrebit i bën thirrje qytetarëve të bëjnë kujdes dhe të shmangin lëvizjet. Shërbimet e urgjencës së qytetit janë në gatishmëri të plotë për t’iu përgjigjur nevojave dhe thirrjeve të qytetarëve.
OMG, what an apocalypse back home in Zagreb ?? pic.twitter.com/9i9hYkB3JB
— Annamaria ?? (@AnnamariaCRO) July 19, 2023
Zagreb on fire ? pic.twitter.com/MKhmBNct2g
— CN Ghuly ram zam (@ghulyFN) July 19, 2023
/abcnews.al
