Familja mbretërore ka vendosur disa kufizime se çfarë lloj premtimesh mund të ofrohen jashtë Pallatit Ëindsor.
Në veçanti, Pallati njoftoi se nuk do të pranohen dhurata apo objekte arti dhe se asnjë objekt tjetër përveç luleve nuk duhet të vendoset si homazh për Mbretëreshën. Shumë fansa kanë lënë sanduiçe me reçel dhe lodra Paddington Bear jashtë Pallatit Mbretëror Buckingham të cilat nuk lejohen më.
Royal Parks tha se njerëzve u kërkohet vetëm të bëjnë homazhe me lule në një vend të caktuar në Green Park pranë rezidencës së Mbretëreshës në Londër. Vajtuesve iu kërkua të hiqnin çdo mbështjellje nga lulet përpara se t’i vendosnin ato, ndërsa qirinjtë e ndezur do të hiqeshin automatikisht. Pallati shtoi se përveç luleve pranohen edhe kartolina ngushëllimi.
Homazhet do të qëndrojnë në vend derisa të zhvillohen të gjitha aktivitetet ceremoniale dhe pritet që lulet të hiqen nga hapësira e parkut shtatë deri në 14 ditë pas datës së funeralit./abcnews.al
