Palestina ka reaguar sërish në lidhje me zyrtarizimit e njohjes reciproke Kosovë-Izrael dhe vendimit për vendosjen e ambasadës në Jerusalem.
Ambasada e Palestinës në Serbi, përmes një deklarate të përbashkët ka bërë me dije se njohja e ndërsjellë Kosovë-Serbi më 1 shkurt vlerësohet si “zhgënjyese”, ndërsa thuhet se Kosova, e cila “po përpiqet të gjejë një vend midis shteteve të pavarura, është pritur t’i përmbahet fjalë për fjalë legjitimitetit ndërkombëtar dhe ligjit ndërkombëtar”.
“I tregonin shtetit palestinez, shteteve arabe, shteteve islamike, vendeve jo-drejtuese dhe anëtare të Bashkimit Afrikan dhe grupeve të tjera rajonale në botë që ajo injoron dhe shkel në mënyrë të qartë dhe të hapur ligjin ndërkombëtar, ligjshmërinë ndërkombëtare dhe rezolutat, që ndërlikon pozicionin e çdo shteti ta konsiderojë njohjen e Kosovës si shtet. Ministria shpreson që institucionet vendimmarrëse në Kosovë do ta rishikojnë atë hap dhe do ta anulojnë atë vendim të shpejtë dhe do ta korrigjojnë atë akt të gabuar. Kështu, Kosova mund të japë një shembull të angazhimit të saj për legjitimitetin ndërkombëtar dhe të drejtën ndërkombëtare”, thuhet në deklaratë.
Ministria e Punëve të Jashtme e Palestinës një ditë më parë reagoi ndaj zyrtarizimit të njohjes së ndërsjellë Kosovë-Izrael, duke e përshkruar këtë akt si zhgënjyes dhe duke i bërë thirrje Kosovës ta anulojë vendimin për hapjen e ambasadës në Jerusalem.
“Marrëveshja që Kosova e nënshkroi me fuqinë okupuese (Izraelin) dhe deklarimi i synimit të saj për ta hapur ambasadën në Jerusalemin e okupuar është një hap që bie ndesh me gjithçka që Kosova po përpiqet të bëjë për ta bindur botën ta njohë atë”, ka thënë ministrja palestineze.
Ndërkohë të hënën u mbajt ceremonia virtuale e vendosjes zyrtare të marrëdhënieve diplomatike ndërmjet Kosovës dhe Izraelit. Pas deklaratave, ministrja e Jashtme e Kosovës, Meliza Haradinaj-Stublla dhe ministri i Jashtëm i Izraelit, Gabi Ashkenazi e kanë falenderuar e uruar njëri-tjetrin. Kryediplomati izraelit e ka cilësuar historike ditën e hënë, duke e falenderuar SHBA-në për këtë, ndërsa më pas e ka zbuluar një pllakë me mbishkrimin “Ambasada e Republikës së Kosovës në Jerusalem, Izrael”./abcnews.al
