Ministrja Manastirliu zhvilloi sot një takim me studentët e Mjekësisë, të cilët ishin pjesë në një trajnimin jashtë vendit. Ministrja tha se trajnimi për “Kontrollin e Epidemisë HIV”në Zagreb, ishte i pari, që do pasohet nga të tjerë. Gjithashtu, ministrja njoftoi se në kuadër të paktit për Universitetin, është hapur portali “Mjekë për Shqipërinë”, dhe ka nënshkruar një marrëveshje me Universitetin e Mjekësisë, ku ka marrë përsipër të mbështesë studentët dhe pedagogët për ndërtimin e Qendrës së Biosimulimit Klinik dhe Qendrës së Trajnimit e Edukimit.
Pakti për Universitetin u krijua nga Kryeministri Rama, pas protestave masive të studentëve, që nisën në dhjetor të 2018, dhe përfunduan në janar të këtij viti. Studentët kërkonin të plotësoheshin kushtet bazë në universitete. /ABc news Albania 24/7
