manastirliu

WhatsApp-Image-2020-03-25-at-17.52.48.jpeg
eri Ida18:12 | 25/03/2020

Ministrja e Shëndetsisë Ogerta Manastirliu është shprehur se deri më tani në vendin tonë janë bërë të gjithë testet e nevojshme për çdo person të dyshuar.

Ndërkohë pyetjes se kryeministrit Rama se sa teste janë bërë ajo është shprehur se për bërjen e testeve po ndiqet procedura e rekomanduar nga OBSH.

“Për ta nisur me një çështje që është diskutuar atë të testimeve në ISHP numri i testeve nuk është në dëshirën e askujt numri i tyre rezlizohet në kuadër të rekomandimit të OBSH ne testojmë të dyshuarit ata që kanë nevojë të dinë që janë ose jo të infektuar dhe ato për ndërprerjen e zinxhirit. Ne kemi bërë testimet e nevojshme”, është shprehur Manastirliu.

Gjithashtu në këtë mbledhje ministrja e Shëndetsisë ka dhënë detaje dhe në lidhje e kurbën e parashikimeve se si mund të vijojë më tej në vendin tonë. Manastirliu ndër të tjera në fjalën e saj ka theksuar se në javën e parë të prillit me 3 prill pritet që të kenë dhen një përgjigje më të saktë në lidhje me kurbën vijuese të rasteve në vendin tonë.

Jemi në javën e tretë dhe kurba patjetër që do të rriten masat e marra do të vlerësohen rreth datës 3 prill. Një ekip ekspertësh me eksperiencë në vende të ndryshme po punojnë në lidhje me të gjithë koefiçentët e nevojshëm për të parë se si do të jenë parashikimet e kurbës në varësi të masave që ne kemi marrë. Kemi një kurbë që është në rritje në një lloj prgresioni por është një rritje e pritshme. Por mendoj se sistemi ynë shëndetsor e bërballon fluksin. Katër qytetarë kanë lënë spitalin pasi kanë rezultuar negativë. Ajo që na bën të ndihemi mirë në këto momente është se deri diku kapacitete përballuese të sistemit tonë shëndetsore janë të përballueshme”, tha ministrja.

Gjithashtu ajo është shprehur se së shpejti do të bëjnë të mundur dhe kthimin në një spital karantinë të një objekti tjetër që do të përdoret për pacientët të cilët nuk kanë nevojë për terapi intensive, por normale. /abcnews.al

WhatsApp-Image-2020-03-25-at-17.47.44.jpeg
eri Ida18:04 | 25/03/2020

Ministrja e Shëndetësisë Ogerta Manastirliu ka deklaruar se këtë të mërkurë kanë mbërritur në vendin tonë materialet nga Turqia të cilat do të shërbejnë për sigurinë e pacientëve.

Ndër të tjera ministrja Manastiliu është shprehur se se një pjesë e pajisjeve mbrojtëse për pacientët dhe mjekët janë shpërndarë, ndësa stoku është i konsiderueshëm.

“Po ka filluar shpërndarja e të gjithë elementëve dhe paketave të mbrojtjes së mjekëve. Sot është bërë furnizimi duke rritur stoqet që kishim për më shumë siguri, pasi krijon panoramën mbrojtësve”, tha ministrja.

Pjesë nga biseda mes kryeministrit dhe ministres së Shëndetsisë:

Edi Rama: Ogerta, e di që je e mbingarkuar dhe të kemi një listë borxhesh gjumi, por disa pyetje të shpejta. Materialet nga Turqia u morën në dorëzim?

Ogerta Manastirliu: Po ka filluar shpërndarja e të gjithë elementëve dhe paketave të mbrojtjes së mjekëve. Sot është bërë furnizimi duke rritur stoqet që kishim për më shumë siguri, pasi krijon panoramën mbrojtësve. Ne sot kemi shpërndarë 80 mijë elementë të seteve mbrojtëse. Në vijim presim 167 mijë maska, veshje dhe dorëza. 30 mijë syze dhe ekrane mbrojtëse dhe dezinfektantë për të krijuar atë armën e duhur për barrierat mbrojtëse për personelin. Do të vijojmë me këtë kanal komunikimi për të mbështetur mjekët dhe infermierët.

Edi Rama: E bëtë sot bisedën me homologun?

Ogerta Manastirliu:  Jo kishim qenë në këshillin e sigurisë, ose në darkë vonë…kur të ketë oraret e lira.

Edi Rama: Duhet theksuar se janë materiale të blera nga qeveria jonë, pjesë e buxhetit të luftës, por nderi i madh dhe avantazhi është që qeveria turke hapi kanalin e eksportit me urdhër të Presidentit. Pasi vendet kanë mbyllur kufijtë dhe kjo e bën shumë të komplikuar këtë luftë dhe që ne tani të garantojmë rezerva dhe këto janë të konsiderueshme falë këtij kanali që kemi hapur. Është një hapje ekskluzive kanali, pasi si Turqia dhe Kina janë mbyllur për kërkesat, por me urdhër të presidentit u hap./abcnews.al

ogerta-manastirliu-konferenca.jpg
eri Ida16:14 | 23/03/2020

Ministrja e Shëndetësisë dhe Mbrojtjes Sociale, Ogerta Manastirliu, ka bërë me dije se në kuadër të masave të marra, përpara Urgjencës së QSUT ka nisur tashmë ngritja e çadrave të triazhit mjekësor.

Ndër të tjera në një deklaratë për mediat Manastirliu është shprehur se thelbësore mbetet ruajtja e stafit mjekësor dhe infermerior.

Manastirliu bëri të ditur se po përfundon trajnimi i ekipeve që do të vendosen në shërbimet e triazhit në çadra, dhe ësshtë gati kontrata për blerjen e 54 respiratorëve dhe vijojmë procedurën për 100 respiratorë të tjerë, që do të mbërrijnë sipas një kalendari të mirëpërcaktuar.

“Po lidhim kontratën për blerjen e 54 respiratorëve dhe vijojmë procedurën për 100 respiratorë të tjerë, që do të mbërrijnë sipas një kalendari të mirëpërcaktuar”, tha Manastirliu

Ministrja e Shëndetësisë bëri të ditur edhe shtimin e stokut të mjeteve të mbrojtjes personale.

“Me masat që kemi marrë kemi arritur të sigurojmë rritjen e stokut me 25 mijë maska ffp2/ffp3 dhe në vazhdim pritet furnizimi me 140 mijë maska ffp2/ffp3, ndërkohë që planifikojmë krijimin e një stoku me plus 200 mijë maskash specifike ffp2/ffp3. Sa i përket veshjeve speciale po rrisim në këtë javë me 10 mijë stokun e veshjeve dhe planifikojmë rritjen e stokut me 50 mijë veshje speciale”, bëri të ditur Manastirlu.

Ministrja e Shëndetësisë sqaroi gjithashtu se, sa i përket elementëve të tjerë doreza nitrili, syze mbrojtëse, helmeta mbrojtëse, dezinfektantë etj, po ashtu është siguruar stoku i nevojshëm për përballimin e kësaj situate dhe në vijim. Ndërkohë sa i përket maskave të thjeshta, kemi një sasi stoku mbi 500 mijë maska të thjeshta dhe kirurgjikale si dhe rreth 650 mijë doreza sterile dhe josterile.

Duke u shprehur se po bëhet më e mira me kapacitet që ka vendi për t’u përballur me një virus i cili është shumë I rrezikshëm, Manastirliu ka përsëritur apelin për qytetarët për të respektuar masat e distancimit social, të qëndrojnë në shtëpi, të ndihmojnë veten e tyre dhe të afërmit e tyre, sidomos ata që janë të moshuar, me semundje kronike dhe më të pamundur./abcnews.al

manastirliuuu.jpg
eri Ida09:26 | 04/03/2020

Ka nisur mbledhja e task-forces për koronavirusin në Misnistrinë e Shëndetësisë për të përditësuar informacionin lidhur me numrin e personave të kontrolluar përgjatë 24 orëve të fundit dhe masat e sigurisë kë pikat e kontrollit.

Ministrja e Shëndetësisë Ogerta Manastirliu në raportimin e saj në këtë mbledhje vijon të theksojë faktin se në vendin tonë nuk ka asnjë rast të shënuar me koronavirus.

“Çdo situatë të mundshme dua tju informoj se Shqipëria nuk ka asnjë rast të konfirmuar me koronavirusin e ri dhe pse në vendet fqinje kemi raste të konstatuara, në Iitali, Greqi, ndërsa kosova mali i zi, serbia, Turqia nuk ka asnjë të identifikuar. 42 testime që kanë rezultuar negative ditën e djeshme janë konkluduar 6 dyshime për rastë të mundshme por që fatmirësisht kanë rezultuar negative.  Strukturat e spitaleve tonë, Shefqet Ndroqi dhe Shërbimi Infektiv po punojnë në mënyrë të kordinuar për sigurinë e qytetarëve dua të konfirmoj se po vijojmë me të gjithë masat për shtesën  e materialeve mbrojtëse në vendin tonë”, tha ministrja.

Ndërkohë ministrja  ka theksuar se është e rëndësishme që një vëmëndje e madhe ti kushtohet higjenës personale pasi është një nga faktorët parandalues të përhapjes së koronavirusit.

“Në të gjithë linjat urbane do të vijojë kontrolli për marrjen e masave higjene sanitare, në institucionet arsimore janë marrë të gjithë masat e nevojshme në lidhje me kushtet e higjenes sanitare në kopshte, shkollë dhe çerdhe që ka ndikuar dhe në rëndësinë e higjenës personale. Është e rëndësishme higjena personale nga larja e duarve nga disefiktimi i tyre dhe do të vijojmë dhe ndër ë tjera me këshillimin e qytetarëve në lidhje me masat që duhet të merren për kujdesin higjeno sanitar”, është shprehur ministrja ./abcnews.al

1581763842_OEGRTA.jpeg
eri Ida14:33 | 15/02/2020

Ministrja e Shëndetësisë dhe Mbrojtjes Sociale Ogerta Manastirliu ka inspektuar sot Laboratorin e Virologjisë në Institutin e Shëndetit Publik, ku po kryhet nga sot diagnoza e plotë konfirmuese për koronavirusin COVID-19.

Manastirliu u shpreh se realizimi i identifikimit dhe zbulimit të Koronavirusit COVID-19 në laboratorin e ISHP, vjen në kuadër të përforcimit dhe rritjes së kapaciteteve për zbulueshmërinë e koronavirusit të ri.

“Jemi sot një hap përpara për forcimin e kapaciteteve tona për identifikimin dhe zbulueshmërinë e koronavirusit të ri, pasi, pas kryerjes së koronaviruseve, edhe analiza e konfirmuar kryhet në laboratorin e ISHP, i njohur nga Organizata Botërore e Shëndetësisë. Shqipëria renditet në vendin e 39 për sigurinë shëndetësore, ndër 195 vende të vlerësuara, për përgjigjen e sistemeve shëndetësore për trajtimin e pacientëve, për zbulimin dhe reagimin e shpejtë ndaj epidemive, etj”, tha Manastirliu.

Teksa rikonfirmoi se në vendin tonë nuk ka asnjë rast me koronavirus, Manastirliu u shpreh janë gati planet e reagimit sipas shkallës së rrezikshmërisë.

Ministria e Shëndetësisë dhe Mbrojtjes Sociale njofton se është vënë në zbatim një plan parapërgatitjeje të masave ndaj koronavirusit sipas rekomandimeve të OBSH.

“Janë trajnuar 475 punonjës të sistemit shëndetësor dhe vijon trajnimi kaskadë. Nga ekipet e urgjencës kombëtare, epidemiologët në të gjithë vendin për forcimin e survejancës ALERT, menaxhimin e transportit të një rasti suspect me koronavirus të ri si dhe është saktësuar procedura se si veprohet me ndjekjen e kontakteve. Shqipëria ka ndërmarrë masa të cilat u mbështetën edhe nga Zyra e Organizatës Botërore të Shëndetësisë”,është shprehur ministrja./abcnews.al

86688079_10157073715890838_265596108955189248_n.jpg
eri Ida09:27 | 15/02/2020

Ambasadorja e SHBA në Shqipëri, Yuri Kim është takuar me ministren e Shëndetësisë dhe Mbrojtjes Sociale Ogerta Manastirliu ku në fokus duket se ka qenë diskutimi për koronavirusin.

Ambasada përmes një postimi në rrjetin social Facebook, ka dhënë detaje në lidhje me këtë takim.  Ambasadorja Kim bëhet me dije se ka theksuar rëndësinë e të qenurit vigjilent ndaj këtij virusi si dhe zbatimin e udhëzimeve të OBSH.

🇦🇱 | Gjatë bisedës së saj me Ministren e Shëndetësisë dhe Mbrojtjes Sociale Ogerta Manastirlliu, Ambasadorja e…

Gepostet von U.S. Embassy-Tirana am Samstag, 15. Februar 2020

“Gjatë bisedës së saj me Ministren e Shëndetësisë dhe Mbrojtjes Sociale Ogerta Manastirlliu, Ambasadorja e Shteteve të Bashkuara Kim diskutoi rëndësinë e të qenurit vigjilent mbi koronavirus dhe zbatimin e udhëzimeve të Organizatës Botërore të Shëndetit. Ato biseduan gjithashtu edhe klimën e kujdesit shëndetësor në Shqipëri si dhe risitë në modernizimin e kujdesit shëndetësor”, shkruan ambasada e SHBA./abcnews.al

manastirliu33.jpg
eri Ida11:44 | 10/02/2020

Ministrja e Shëndetësisë dhe Mbrojtjes Sociale, Ogerta Manastirliu  këtë të hënë në Komisionin e Shëndetsisë ka prezantuar masat e marra për parandalimin e virusit të gripit që duket se është prezent në vendin tonë.

Ministrja në fjalën e saj është shpreur se për përballimin e fluksit të pacientëve të prekur nga gripi janë nddërtuar katër qendra shëndetsore në Tiranë të cilat kryejnë të njëjtin shërbim si në Urgjencën e QSUT-së.

Ndër të tjera ajo është shprehur se Instituti i Shëndetit pyublik ka të gjithë kapacitetet e nevojshme laboratorike për identifikimin e gripit.

“Tashmë si çdo vit do të hapen qendra shëndetsore 24 orëshe në Tiranë, qendra kanë përballuar një fluks vizitas për fëmijët e moshës pediadrike ndërkohë dhe urgjenca e QSUT-së në fundjave ka forcuar shërbimin e saj.  Gjithahstu qendrat shendetsore në të gjithë vendin janë të hapura deri në orën 8 duke bërë që të shmanget rada në spitale dhe duke garantuar prindërit se shërbimi është i njëjtë si në qendrat shëndetsore ashtu edhe në  Spitale. Dua të njoftoj prindërit për Tiranën se katër qendrat shëndetsore që janë të hapura prej mujash ofrojnë shërbime pediatrike, konsulta dhe vizita me të njëjtin profesionalizëm si në qendrën Spitalore QSUT.Kemi më shumë se 218 mjekë dhe infermirë të angazhuar në rotacion në shërbim 24 orësh.  Ndërkohë në lidhje me virusin e gripit dua të them se në javën e 5 është rritur prirja e infeksioneve ëshbtë rritur me 23 %,  janë AMN, B, dhe AM3, është një situatë e pritshme për sezonin siç është në vendet Evropiane  këtë javë Shqipëria paraqet një nivel të lartë të qarkullimit të infeksioneve. Dua që të informoj se në krahasim me vitin e kaluar rastet janë rritur me 4 %, infeksionet respiratore të sipërme në nivel kombëtar paraqiten në 17 760 raste ndërsa në infeksionet respiratore të poshtme 7530 raste vetëm në javën e pestë, që duket se është një prirje në rritje”, tha ministrja Manastirliu.

Gjithashtu pëpara komisionit të Shëndetsitë, Manastirliu ka treguar dhe masat që janë marrë në lidhje me parandalimin e koronavirusit, që tashmë ëstë shpallur në një emergjencë globale.

Përpos masave të presantuar për virusin e gripit në vend do të informoj për masat e marra për parandalimin dhe ndalimin e koronavirusit të ri, duke u bazuar në udhëzimet e Organizatës Botërore të Shëndetit dhe rregulloren kombëtare të shëndetit kemi përgatitur një plan, duke u bazuar dhe në faktin e shpalljes se gjendjes emergjente globale, eshtë ngritur taksforca për kontrollimin dhe parandalimin e përhapjes së Koronavirusit, ku janë mbledhë të gjithë ekspertët e fushës për të kordinuar të gjithë masat në kordinim të masave të marra nga ministria me të gjithë qendrat.Dua që të informoj komisionin se nga ISHP janë realizuar të gjitha trajnimet për specialistë në të gjitha strukturat e kujdesit parësor. Edhe ne spitale janë marrë masa dhe dhomat e izolimit janë funksionale nëse ka raste për të dyshuarit me koronavirus. Ka 5 raste te dyshuara me një histori udhëtimi me Kinën të cilët janë testuar dhe kanë dalë negative. Pra deri më tani Shqipëria nuk ka asnjë rast të konfirmuar me koronavirus. Shërbimi infektiv është pajisur me të gjitha mjetet e mbrojtjes personale. Kemi dhe një strukturë prites për karantinë në vend, vendi është i përcaktuar me kushtet më të mira,’’ është shprehur ministrja e Shëndetsisë. /abcnews.al

manastirliuuuuuu.jpg
ger ta18:50 | 21/01/2020

Ministria e Shëndetësisë dhe Mbrojtjes Sociale ka rishikuar kontratën koncesionare për sterilizimin dhe instrumentat e rinj kirurgjikalë. Negociatat e nisura marsin e 2019 arritën në marrëveshjen për të ulur me 25% çmimin e shërbimit për mbi 64 mijë ndërhyrje kirurgjikale në vit dhe u finalizuan në fillim të 2020-ës. Amendimin e kontratës e partneritet publik privat e bëri të ditur ministrja e Shëndetësisë dhe Mbrojtjes Sociale Ogerta Manastirliu nga spitali i ri kirurgjikal në QSUT “Frederik Shiroka” ku tha se ky hap nuk prek ndërhyrjet për qytetarët.

“Është bërë një vlerësim i cili ka akorduar që mundet që të rishihet mbi një normë të caktuar, pikërisht çmimi i seteve dhe është arritur në një dakordësi për të reduktuar 25% mbi 64 mijë ndërhyrje”, shprehet Manastirliu.

Kontrata  koncesionare 10 vjeçare e sterilizmit dhe pajisjeve mjeksore me vlerë fillestare 9.6 miliardë lekë po hetohet nga Prokuroria e Posaçme Kundër Korrupisonit dhe Krimit të Organizuar. Kjo pas kallzimit penal të nismës “Thurje” për zyrtarë publikë të përfshirë në koncesion. Në vitin 2018 shpenzimet e kryera nga partneriteti publik-privat tejkaluan me rreth 28% më shumë buxhetin e programuar gjë që më pas detyroi spitalet të riplanifikonin ndërhyrjet.

“Ka patur një racionalizim, ka patur mirëadministrim bazuar në urgjencat”, thotë ministrja.

Ndërkohë ndërhyrjet kirurgjikale në spitalin e ri do të kryhen përmes fjalës se fundit te teknologjisë. Ky spital ka një kapacitet 120 shtretër dhe 7 salla operacionesh dhe i ka kushtuar qeverise shqiptare 8.8 mln euro. Ministrja Manastriliu deklaroi se të tjera investime do të jenë gati vitin e ardhshëm.

‘Do të përfundojmë vitin që vjen ndërtimin e spitalit të ri të sëmundjeve të brendshme, ku i gjithë spitali gjashtë katësh transferohet aty. Do të kemi një riadministrim të urgjencës ku kalon nga ambjentet aktuale në spitalin e ri”, shprehet ministrja.

QSUT sipas ministres së Shëndetësisë po investohen rreth 30 milion dollarë./abcnews.al

oki-manastirll.png
R D22:37 | 14/01/2020

Në vendin tonë një person ka humbur jetën nga meningiti. Ky është një rast i konfirmuar zyrtarisht, ndërsa kanë vdekur edhe dy persona të tjerë, që sipas ministres së Shendetësisë po kryhen analizat mjeko-ligjore për të përcaktuar nëse kanë qenë apo jo të prekur nga kjo sëmundje.

E ftuar në “Mbrëmje në Abc” me Mirela Milorin, ministrja e Shëndetësisë, Ogerta Manastirliu foli për herë të parë për shqetësimin e krijuar në opinionin publik për përhapjen e meningitit.

“Ministria e Shëndetësisë, ISHP dhe Infektivi në QSUT janë duke ndjekur situatën, mund të them se nuk ka vend për panik dhe alarm të kot. Duhet të kuptojmë se jemi vend me incidencë (propabilitet) të ulët dhe prevalancë të ulët. Kemi marrë masat për profilaksinë përmes medikamenteve dhe vaksinave të cilat mund ti marrë një rast (person) që ka patur kontakte me personin e sëmurë. Me këtë çështje po merren ekspertët, ndërsa unë dua të garantoj se s’ka vend për panik. Gjatë këtyre ditëve kemi nxjerrë ekspertët për të dhënë informacion edhe për informuar opinionin publik dhe jo për ta dezinformuar atë. Pra, e përsëris se aktualisht në vendin tonë s’ka vend për alarm nga meningiti”, tha ministrja Manastirliu.

E pyetur konkretisht nga Milori, për tre rastet e mortalitetit, ajo u shpreh se kemi dhënë informacion zyrtar përmes ekspertes së ISHP-së Silva Bino.

“Rastet janë.. ne kemi dhënë informacion publik, ka informuar profesoreshë Silva Bino. Njëri është rast i mundshëm ndërsa për rastet e tjera pritet ekspertiza mjeko-ligjore. Masat janë marrë për vaksinimin e kontakteve dhe po minotorohet situata nga ekspertët dhe mjekët e Infektivit sa i përket profilaksisë”, deklaroi Manastirliu.

Ajo u pyet edhe për situatën e gripit, ku theksoi se “ne nuk jemi në epidemi gripi. Qarkullon virusi i gripit, jemi aktualisht në intensitet të ulet, edhe më i ulët krahasuar me një vit më parë. Kemi bërë një hap të mirë për të vaksinuar grupet e riskuara, të moshuarit, gratë shtatëzënë dhe fëmijët 2-5 vjeç. Ka raste të konfirmuar çdo javë, por situata është e qendrueshme”.

/abcnews.al

MANASTIRLIU-1280x720.jpg
ent ela11:31 | 27/11/2019

Ministrja e Shëndetësisë, Ogerta Manastirliu deklaroi se janë 658 të lënduar nga tërmeti kanë marrë shërbim mjekësor në spitale si pasojë e tërmetit dhe aktualisht po trajtohen 65 të lënduar, nga të cilët 8 janë në gjendje më të rënduar, nën kujdesin e mjekëve që kanë bërë një punë të jashtëzakonshme.

Ministrja Manastirliu vizitoi mëngjesin e sotëm të lënduarit në spitalin e Traumës, ku deklaroi se po bëhet e pamundura për të trajtuar me profesionalizëm çdo të lënduar.

“Është bërë një punë e jashtëzakonshme nga ekipet mjekësore qoftë këtu në spitalin e Traumës, qoftë në spitalin e Durrësit por edhe nga urgjenca paraspitalore për trajtimin e 650 të lënduarve si pasojë e tërmetit”, tha Manastirliu.

Ministrja Manastirliu deklaroi se dy prej të lënduarve nga tërmeti po vlerësohen të dërgojen për trajtim më të specializuar në Itali.

“Jemi në kontakt me partnerët tanë italianë që kanë sjellë misione shëndetësore për të na ndihmuar në këtë situatë të jashtëzakonshme dhe po bëhet vlerësimi i një djali 30 vjeçar dhe një vajze 20 vjeçare për t’u dërguar në Itali”, tha Manastirliu.

Manastirliu konfirmoi gjendjen e gatishmërisë jo vetëm në spitale por edhe në qendrat shëndetësore pranë zonave të prekura nga tërmeti dhe në qendrat e emergjencës. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono