Priyanka Chopra dhe Nick Jonas janë më të lumtur se kurrë me njëri-tjetrin që kur lidhën kurorë dy vite më parë. Aktorja ka dhënë së fundmi një intervistë për revistën “Elle” ku ka zbuluar sekretin që qëndron pas martesës së saj të suksesshme.
Ajo ka treguar se kanë bërë një pakt dhe kanë premtuar se nuk duhet të qëndrojnë më shumë se tre javë pa e takuar njëri-tjetrin, pavarësisht punës dhe vendit ku ndodhen. Aktorja thotë se dëshironte ta ndante këtë pakt, për t’ju ardhur në ndihmë çifteve.
“Priyanka mendonte se ishte e rëndësishme të zbulohej sekreti i martesës së saj me Nick. Ajo e di se mund të jetë e lehtë për fansat ta shohin marrëdhënien e tyre perfekte nga jashtë. Ndërsa Priyanka dhe Nick janë të dy individë tepër të suksesshëm, ata janë gjithashtu të dy po aq të zënë, gjë që që i bënë të udhëtojnë vazhdimisht, kështu nuk mund të jenë gjithmonë bashkë,”, u shpreh një burim pranë tyre. /abcnews.al
