Derbi mes Everton dhe Liverpool nuk prodhoi asnjë gol. “The Reds” e rinisën Premier League me një barazim jashtë fushe, në një ndeshje që dhuroi fare pak emocione. Loja që u zhvillua, nuk i ka pëlqyer aspak Jurgen Klopp, por trajneri pranon verdiktin e fushës.
“Derbet e fundit që janë luajtur në këtë stadium, nuk kanë qenë më të mirë se ky i fundit. E prisnim një ndeshje të kësaj forme, e dinim që do të bazohej shumë në duelet fizike. Mua më pëlqen një tjetër lloj futbolli nga ai që u pa kundër Everton, por e pranoj atë që u prodhua.
Treguam që jemi gati për duele, ky është një aspekt i rëndësishëm. Na presin shumë impenjime brenda një kohë të shkurtër, kështu që ka rëndësi të jemi gati për çdo sfidë“, deklaron trajneri gjerman i Liverpool. /abcnews.al
