Prindërit e një foshnje në Qipro kanë hedhur akuza ndaj një prifti, me pretendimin se fëmija e tyre ka kaluar në gjendje shoku për shkak të sjelljes së tij gjatë pagëzimit. Nëna e fëmijës ka postuar një video në rrjete sociale, ku shihet prifti teksa lëviz me forcë fëmijën.
“Ne i bërtitëm duke i thënë kujdes me foshnjën ndërsa ai u përgjigj: Kështu pagëzoj”, shkruan gruaja. Sipas saj, pas ceremonisë fëmija ishte i tronditur dhe se ishte skuqur në trup. Më tej, ajo shprehet se pas një vizite tek mjeku kishin zbuluar se fëmija kishte përjetuar gjendje shoku.
Nga ana tjetër prifti pretendon se “nuk kishte asnjë qëllim për të krijuar një problem. Fëmija rrëshqiti dhe unë u përpoqa të parandaloja ndonjë dëmtim të mundshëm”. xh.d/abcnews.al/
