Ministrja e Shëndetësisë Ogerta Manastirliu ka shpjeguar se si do të funksionojë heqja e ritestimit për negativizimin nga Covid-19. Manastirliu tha se do të jetë mjeku i familjes ai që do të plotësojë një relator që përcakton gjendjen shëndetësore të pacientit.
“Mjeku i familjes do të plotësojë një relator që do të dorëzohet në vendin e punës për verifikim që vërteton se pacienti ka 14 ditë që ka kaluar Covid-19. Sa i përket zbatimit të masave që kemi shpallur, do të jenë organet kompetente të përcaktuara në aktin normativ për marrjen e masave të cilët do të zbatojnë këto masa dhe do të ketë masa administrative qoftë nga Inspektorati Shëndetësor, që do jenë zbatues të këtij urdhri dhe nga policia e shtetit”, tha Manastirliu.
Një ditë më parë Mira Rakacolli tha se heqja e ritestimit është vendosur për shkak se një pacient nuk e transmeton më virusin në ditën e 14 të infeksionit edhe në rast se vazhdon të jetë pozitivë. /mv.abcnews.al
