Një 23 vjeçar nga Vlora është arrestuar pasi u kap pa leje drejtimi teksa lëvizte me motor në rrugën “Gjergj Kastrioti” të qytetit bregdetar.
Sipas policisë, të riut gjatë kontrollit fizik i është gjetur edhe një sasi lënde narkotike kokainë.
“Sektori i Policisë Rrugore arrestoi shtetasin 23 vjeç, banues në fshatin Bishan, Vlorë, pasi më datë 06.12.2024, në rrugën “Gjergj Kastrioti”, Vlorë, është konstatuar nga shërbimet duke drejtuar motomjetin tip “Honda” pa leje drejtimi. Gjithashtu, gjatë kontrollit fizik ndaj 23-vjeçarit, shërbimet i gjetën dhe sekuestruan një sasi lënde narkotike të dyshuar kokainë.”, njofton policia./abcnews.al
