Kreu i PDIU, Shpëtim Idrizi është duke zhvilluar një takim me kreun e Partisë Demokratike, Lulzim Basha. Takimi në selinë blu konfirmohet nga burime për gazetarin Juxhin Mustafaraj.
Më herët kreu i demokratëve u takua sot edhe me kryetarin e Partisë Republikane, Fatmir Mediu. Këto zhvillime në selinë e PD vijnë 48 orë para afatit final për koalicionet.
Sot gjithashtu Basha ka planifikuar të ulet në tryezë edhe me Vangjel Dulen, ku pritet që të përcaktohet qarku ku do të kandidojë kreu i PBDNJ-së, ndërkohë që mundësitë kryesore janë Korça dhe Vlora.
Deri tani Lulzim Basha ka arritur dakordësinë me Agron Dukën, Nard Ndokën dhe Dashamir Shehin.
Lulzim Basha do të duhet të dorëzojë në Komisionin Qendror të Zgjedhjeve mw 24 shkurtit, listën e koalicionit opozitar dhe emrin me të cilën koalicioni do të përfaqësohet.
Të gjithë partitë që do të jenë në koalicion me PD janë regjistruar në KQZ, por emrat e kandidatëve të tyre do të jenë të përfshirë në listën e Partisë Demokratike dhe do të bëhen publike në 5 mars. g.v/abcnews.al
